Një përson ka humbur jetën në një vetaksident në fshatin Pavlan të Pejës.
Zëdhënësi i Policisë për rajonin e Pejës, Driton Rugova ka deklaruar për Kohën se vetura dyshohet se po qarkullonte me shpejtësi të madhe, me ç’rast është rrokullisur në një fushë dhe është përfshirë nga zjarri.
“Sot me datën, 01.06.2025, rreth orës 02:20, Policia është njoftuar për një aksident trafiku i cili ka ndodhur në fshatin Pavlan- Pejë, në këtë aksident ishte e përfshirë një veturë e cila dyshohet se ishte duke qarkulluar me shpejtësi të madhe në drejtim të Pejës, dhe me të arritur në fshatin Pavlan, humb kontrollim mbi automjetin dhe rrokulliset duke përfunduar ne fushë, vetura është përfshirë nga flakët se bashku me personin që ishte në veturë, në vendin e ngjarjes kanë dalë njësitet relevante të Policisë, ekipi i zjarrfikësve dhe ekipi mjekësor të cilët kanë konstatuar vdekjen e viktimës, me urdhër të prokurorit të shtetit viktima dërgohet ne IML-Prishtinë për obduksion”, tha Rugova.
